Fiverr Privacy Policy එක සිංහලෙන් කියවන්න කැමතිද?

මොනාහරි දෙයක් පටන්ගන්න කොට, කරන්නේ මොකක්ද? කාත් එක්කද කරන්නේ? මොන අවදානම් මතද කරන්නේ කියලා දැනගෙන කරන එක තමයි හොඳ. විශේෂයෙන්ම ව්‍යාපාරයක් පටන්ගනිද්දි ඒ දේවල් ගැන හොයලා බලලා ඉන්න ඕනා. මොකද, ඒ දේවල් නොබැලුවොත් ඔයා කොච්චර හොඳට Plan කලත් ඒ Business එක වැඩි කාලයක් තියෙන්නේ නෑ. වෙනත් විදිහකින් කිව්වොත් අර කිව්ව ප්‍රශ්ණ වලට උත්තර නොදැන කරන්න යන Business, Short-Term Business කියලා කියන්න පුලුවන්.

මේක අන්තර්ජාල අලෙවිකරණයට නැත්නම් අන්තර්ජාලයෙන් මුදල් හොයන එකටත් අදාළයි. ඒ නිසා මේ ලිපියෙන් Fiverr Privacy Policy එක සිංහලෙන් ලියන්නම්.

Fiverr.com එකේදී අපි ඔබගේ පුද්ගලිකත්වය ආරක්ෂා කරනවා. අපි ඔබගේ තොරතුරු තුන්වෙනි පාර්ශවයන්ට විකුණන්නේ නෑ. ඔබට Fiverr.com එකේ සේවය ලබාදෙන්න හැර, ඒ දේවල් අපි අනිත් පුද්ගලයන්ට ප්‍රදර්ශණය කරන්නේ නෑ. තේරුම – ඔබට මිලදී ගන්න, විකුණන්න, වෙබඩවියෙදී ඔබට යවන්න ඕන තොරතුරු යවන්න, භාණ්ඩයක් මිලදී ගන්න වගේම මිලදී ගත් භාණ්ඩය හෝ සේවාව විවේචනය කිරීමට.

අප ඔබගේ පුද්ගලික තොරතුරු රැස්කරන්නේ විවිධ ක්‍රම වලින්. ඒ ඔබ අපිට දැනගන්න සලස්වන තොරතුරු, ඔබ විසින් පාවිච්චි කරන්නෙකුට ඔබගේ කැමැත්තෙන් යවන තොරතුරු හා තවත් සාමාන්‍ය තාක්ෂණික තොරතුරු වන IP Address එක, ඔබගේ Web Browser එකේ තොරතුරු හා ඔබට වෙබඩවිය භාවිතා කිරීමේදී පෞත්ගලික අත්දැකීමක් ලබා දීමට Cookies මගිනි.

ලියාපදිංචි වීමේදී ඔබ විසින් අප වෙත ලබාදෙන සියළුම තොරතුරු රහසිගතව තැන්පත් කර ඇත. – ඔබව සම්බන්ධ කරගැනීමේ තොරතුරුත් මෙයට ඇතුලත්.

ඔබ වෙබ් අඩවියෙහි පළකිරීමට තීරණය කරන සියලුම තොරතුරු (පින්තූර, වීඩියෝ, පාඨ, සංගීත ඛණ්ඩ, විවේච්නය කිරීම් හා යවන අනෙකුත් දෑ) රහසිගත නොවේ.

අපගේ පරිගණක පද්ධති මගින් හෝ තුන්වෙනි පාර්ශවයන්ගේ පද්ධති මගින් ඉබේම ලබාගන්න තාක්ෂණික තොරතුරු වෙබ් අඩවිය ක්‍රියාකිරීමට, ප්‍රශස්තකරණයට, වෙබ් අඩවිය භාවිතයේ තොරතුරු දැනගැනීමට, අන්තර්ගත ප්‍රවර්ධනයට හා භාවිත කරන්නාගේ අත්දැකීම් ඉහල තලයකට ගැනීමට පාවිච්චි කෙරේ.

අප ඔබව සම්බන්ධ කරගැනීමට ඔබගේ තොරතුරු පාවිච්චි කරන – (ඔබගේ ගිණුමේ ක්‍රියාකාරකම් ගැන දැන්වීමට හෝ පිරිනැමීම් හා සාමාන්‍ය තොරතුරු දැන්වීමට) අතර, අන් කිසිවෙකුට ඔබව ඔබගේ Fiverr.com ගිණුමෙන් හැර වෙන ක්‍රමයකින් සම්බන්ධ කරගැනීමට අප ඉඩ නොතබයි.
අප රැස්කරන තොරතුරු, අප විසින් එම තොරතුරු පාවිච්චි කරන ආකාරය වගේම Cookie(නෑ, ඔයාට ඒක කන්න බැහැ..!) එකක් කියන්නේ මොකක්ද කියලත් ඔබට දැනගන්න පුලුවන් අපෙ කම්මැලි හා දිග පෞත්ගලිකත්වය ආරක්ෂකිරීමේ ප්‍රතිපත්තියෙන්.(Long Privacy Policy)

Fiverr Long Privacy Policy එකේ දැනගන්නම ඕන දේවල් ටික තමයි දැන් ලියන්නේ, ඒ නිසා හැම වචනයක්ම සිංහලෙන්ම ලියලා නෑ.

Sharing Personal Information with third parties

අපි ඔබගේ තොරතුරු ඔබගේ වචනය නැතුව වෙනත් කිසිම තුන්වෙනි පාර්ශවයකට විකුණන්නේ නෑ.

අප විසින් රැස්කරන තොරතුරු හා වෙනත් Company වලින් අප ලබාගන්න තොරතුරු එක් කොට පෞත්ගලිකත්වයෙන් පිරි සේවයක් ලබාදීමට හා දැන්වීම පෙන්වීමට කටයුතු කරමු. කෙසේවෙතත් ඔබ අපගේ අලෙවිකරණ තොරතුරු දැනගැනීමට අකමැති නම් ඔබට එයින් ඉවත් විය හැක.(UnSubsribe)

අප ඔබගේ පෞත්ගලික තොරතුරු තුන්වෙනි පාර්ශවයන්ට ලබාදෙන්නේ වෙබ් අඩ්විය ක්‍රියාකිරීමට, වංචාවන් හා නීත්‍යානුකූල නොවන ක්‍රියාකාරකම් නැවැත්වීමට පමණයි.

1. සේවාවන් ප්‍රතිපාදකයාට, විවෘත කිරීම් හා ක්‍රියාකිරීමේ අරමුණින්.
   (example – payment vendors, CRM systems, mailing systems or technical consultants)
2. සිතාසියකට, උසාවි නියෝගයකට, නීතිමය පියවරකට ප්‍රතිචාර දැක්වීමට.
3. වංචාවලින්, බලය නොලත් ගණුදෙනු වලින් හා අනිකුත් වගකීම් වලින් ආරක්ෂා වීමට. අප විසින් ඔබගේ Credit Card/Debit Card තොරතුරු රැස්නොකරන අතර ඒවා අපට දැනගැනීමට නොහැක.

Security

අපි ගතයුතු සෑම ක්‍රියාමාර්ගයක් වගේම ගන්නවා වෙබ් අඩවියේ ආරක්ෂාවට, ඔබගේ පෞද්ගලික තොරතුරු වල ආරක්ෂාවට. නමුත් අපට සහතික වෙන්න බැහැ, කවදාවත්ම බල නොලත් ඇතුලත්වීමක්(Unauthorized Access) නොවෙයි කියලා.

වෙබ් අඩවි පාවිචිකරන්නා ගිණුමේ රහස්පදය තුන්වෙනි පාර්ශවයන් සමග බෙදා නොගැනීමට එකඟ වී ඇත.

මේකේනම් ඇත්තටම දැනගන්න වැද්ගත් ගොඩක් දේවල් නැහැ Fiverr Terms of Service(TOS) එකේ වගේ. Terms of Service එකේ සිංහල පරිවර්තනය නම් සම්පූර්ණයෙන් ඒ විදිහටම තව ටිකකින් දාන්නම්. එතකොට English Version එක කියවලා නොතේරුණ අයට හොඳටම තෙරුම් යයි.

ඒ වගේම මේක Fiverr Ultimate Post Series එකේ ලිපියක් නෙමෙයි. මං මේකේ ලියන හැම අතිශය වැදගත් දෙයක්ම කවදාවත් වචන 500න් ඉවර වෙන්නේ නෑ. මේක English අවුල් අයට කරන පුන්චි උදව්වක් විතරයි. අනිත් ලිපියටත් මේ ටිකම තමයි කියන්නේ. හරි එහෙනම් දැන් හොඳට තේරෙන්න ඇතිනේ, තව පැය කිහිපයකින් Fiverr Terms of Service එකේ සිංහළ පරිවර්ථනයත් එක්ක හමුවෙමු.